Ég brosi hringinn!

Ég brosi hringinn!

Já, með lit á augabrúnunum og fjólublátt naglalakk!

Ástæða?

Jú, ég fékk símhringingu seinnipart mánudags og var boðuð í atvinnuviðtal hjá Omvårdnad Gävle. Ég fór og þeim leist nú svona aldreilis vel á mig, að ég fékk ekki bara vinnu í sumar, heldur í afleysingum framm á sumar! Já í dag brosi ég hringinn!

Nú er bara að bíða eftir símhringingunni góðu sem segir að ég eigi að mæta í vinnu, úff hvað ég er fegin! :)

Ég gerði mér annars mjög góðann hádeigismat í gær, hann var sko æði! Ég var að leita mér af einhverju sniðugu að gera á heilsupressunni þegar ég rakst á þessar snilldar uppskrift af bananapönnsu og ákvað að slá til. Átti reyndar ekki vanilludropa en hún var sammt sem áður mjög góð!
Ég henti svo kesella(eins og óhrært íslenskt skyr, 13g af próteini, 3,5g af kolvetnum og 1g af fitu í 100g), rúsínum, einni lúku af niðurskornum möndlum, kókos, speltmjöl(eins útlítandi og haframjög bara úr spelti ;) og pínu agave sýróp til að fá pínu sætu á þetta og vafði upp og borðaði. Þetta er æði, algjört nammi og bara ekkert óhollt!

Annars er voða lítið að frétta, er búin að vera í hóp hjá jobbcoch núna í mánuð. Þá eru tvær konur að hjálpa ungdom(fólk á aldrinum 18 - 25 ára) sem eru búin að vera atvinnulaus í 1/2 ár að finna vinnu.
Ég þarf svo að tala við þær á morgun hvernig framhaldið verður því að ég er náttúrulega komin með vinnu, þótt að það sé bara í afleysingum.

Stefnan var líka sett á Noreg á sunnudaginn næsta á jobbmässu(Fullt af fyrirtækjum á sama stað að auglýsa vinnur hjá sér) en þar sem ég er komin með vinnu í sumar þá ákvað ég það í gær að vera bara heima um helgina og slappa af í stað þess að sitja í 9 klst í rútu á sunnudag og þriðjudag.

Annars held ég að það sé ekkert meira, ég er að reyna að vera duglegri að blogga, svona svo að fólk heima geti fylgst með.

-KristínÞorvalds.