-KristínÞorvalds: Ferðalaga matur :)

Við erum á leiðinni til Oslo/Drammen á miðvikudaginn og verðum á ferðalagi í tæpa níu klukkutíma, eða frá því klukkan 8 um morgunin til að verða 17. Það er alltaf hætta á því að maður detti í það að borða óhollt eða detta í nartgírinn þegar maður er svona lengi á ferðinni. Þessvegna ákváðum við Halli í dag að kaupa nóg af ávöxtum, hnetum og annari hollustu til að gera okkur nesti fyrir allan daginn, svo að við myndum ekki fara í neinn utanvegar akstur í hollustunni.

Skelltum við því í rosalega góðar og hollar speltbollur, sem hægt er að smyrja með smjöri, osti og kalkúnaskinku eða jafnvel sykurlausri sultu. Rosalega hentugt og þægilegt. Reyndar tekur langan tíma að gera þær, en þær eru sko alveg þess virði.

Spelltbollur með sesamfræum:

25g ger

2,5 dl heitt vatn

1,5 dl hrein jógúrt

1,5 tsk gróft salt

2 mtk olía

500 g spelt

ca 50 g sesamfræ

Aðferð:

1. Gerið hrært út í vatni og jógúrti.

2. Grófu salti og olíu bætt útí.

3. Speltinu og sesamfræum blanda saman við og hnoðað vel, deigið er talvsvert mjúkt.

4. Látið lyfta sér undir röku stykki í 3 - 3,5 klst. (Ég veit að það er langur tími, en alveg þess virði!)

5. 50 - 100 g í viðbót af spelti blandað í degið og hnoðað.

6. Mótað í 12 bollur og látið lyfta sér í 20 mínþ

8.Bakað í 5 mín við 250° neðanlega í ofninum, síðan er hitinn lækkaður niður í 200°og bollurnar bakaðar í 12 - 15 mín.

Einnig gerðum við súkkulað-hnetusmjörs "kökur". Sem slá sko algjörlega á alla nammiþörf þegar hún bankar uppá. Reyndar er Halli mun hrifnari af þeim en ég, enda borðar hann þær aðalega. Þær eru líka hrikalega einfaldar í gerð.

Tekur u.þ.b. 50 gr af 70% súkkulaði og 2 tsk af grófu hnetusmjöri og bræðir saman ásamt tæpri tsk af agavesýrópi. Svo er ca 1 tsk af gumsinu sett í möffinsform og inn í ískáp. Auðvelt og þægilegt!