Grænmetissúpa ala mamma! ;)

Langaði að deila með ykkur uppskrift af rosalega góðri grænmetissúpu sem mamma mín sendi mér. Súpan er bráðholl og hrikalega góð, gott að geyma hana í ísskáp í nokkra daga svo er líka hægt að skipta henni niður í box og frysta, algjör snilld! :)

Tómatsúpa

3 dósir niðursoðnir tómatar
1 poki gulrætur
1-2 laukar
3-4 stangir sellerí
Ferskir tómatar eftir smekk
Hvítlaukssalt, kjúklingateningur, og tabasco sósa eða chilisósa smá skvetta. ( Mamma notar nú oftast bara chili duft eða eitthvað álíka „heitt“) Sjálf notaði ég chilliduft ;)
Mauka allt í súpuna í matvinnsluvél og setja í pott. Sjóða ca 20 mínútur . 

Sjálf á ég ekki matvinnsluvél, en langar hrikalega í hana! En í staðinn britjaði ég allt í smáa bita og notaði síðan töfrasprotann minn til að hakka þetta í drasl. Gerði svona súpu í dag en ég átti ekki selleri þannig að ég sleppti því en bætti hinsvegar 1/2 papriku í, sem kom líka rosalega vel út! :) Meira að segja Halla fannst þetta gott, hann sem borðaði ekki grænmeti áður en við byrjuðum saman! (jah fyrir utan kálið á hamborgarann :p)

Kristin Þorvalds.